Cunsëi provinziel

> [1° partimënt](https://my.matterport.com/show/?m=YEfP7f4wsiT&play=1&chtdh=1&csnapshot=1&lang=de&title=0&editor=1&dh=1&qs=1&hr=0>=0&sr=-.09,.14&ss=180)

> [alzada a tera](https://my.matterport.com/show/?m=YEfP7f4wsiT&play=1&chtdh=1&csnapshot=1&lang=la&title=0&editor=1&dh=1&qs=1&hr=0>=0&sr=-.02,.11&ss=85)

Tribüna por le publich

L Presidënt/La Presidënta dl Cunsëi provinziel

L Presidënt/La Presidënta reprejentea l Cunsëi provinziel oradecà. L ne sëuranstà nia mé a si sentedes, ma nce al Ufize de presidënza che l sustën tla gestion dla sentedes. Per la prima metà dla legislatura vën l Presidënt/la Presidënta dl Cunsëi provinziel lità/liteda danter i/la cunselieres dla grupa de rujeneda tudëscia, per la segonda metà danter i/la cunselieres dla grupa de rujeneda taliana. A una cun la maiuranza di/dla cunselieres dla grupa de rujeneda tudëscia o taliana possel nce unì lità, respetivamënter per tramedoi pertes dla legislatura, n cunselier/na cunseliera dla grupa de rujeneda ladina.[Deplù nfurmazions sun i duvieres dl Presidënt/dla Presidënta](https://www.landtag-bz.org/lld/president-presidenta)

Stampa

Ofize dla Vizepresidënta/dl Vizepresidënt dl Consëi provinzial

Philipp Achammer

Assessur provinzial > [Biografia](https://www.landtag-bz.org/lld/biografies/achammer)

Andreas Colli

> [Biografia](https://www.landtag-bz.org/lld/biografies/colli)

Daniel Alfreider

Vizepresidënt dla Provinzia > [Biografia](https://www.landtag-bz.org/lld/biografies/alfreider)

Waltraud Deeg

> [Biografia](https://www.landtag-bz.org/lld/biografies/deeg)

Arno Kompatscher

Presidënt dla Provinzia > [Biografia](https://www.landtag-bz.org/lld/biografies/kompatscher)

Christian Bianchi

Assessur provinzial > [Biografia](https://www.landtag-bz.org/lld/biografies/bianchi)

Arnold Schuler

Presidënt dl Cunsëi provinziel > [Biografia](https://www.landtag-bz.org/lld/biografies/schuler)

Peter Brunner

Assessur provinzial > [Biografia](https://www.landtag-bz.org/lld/biografies/brunner)

Renate Holzeisen

> [Biografia](https://www.landtag-bz.org/lld/biografies/holzeisen)

Maria Elisabeth Rieder

Cumëmbr dla presidënza > [Biografia](https://www.landtag-bz.org/lld/biografies/rieder)

Franz Locher

Cumëmbr dla presidënza > [Biografia](https://www.landtag-bz.org/lld/biografies/locher)

Anna Scarafoni

> [Biografia](https://www.landtag-bz.org/lld/biografies/scarafoni)

Josef Noggler

> [Biografia](https://www.landtag-bz.org/lld/biografies/noggler)

Florian Zelger

L Secreter generel ie a cë dl'aministrazion dl Cunsëi provinziel y sotstà diretamënter al Presidënt dl Cunsëi. L Secreter generel mëina l Secretariat dl Cunsëi provinziel, l coordinëia l’ativiteies de dut l aparat aministratif y l cunsiëia l Presidënt/la Presidënta tla gestion di lëures dl Cunsëi.

Luis Walcher

Assessur provinzial > [Biografia](https://www.landtag-bz.org/lld/biografies/walcher)

Rosmarie Pamer

Vizepresidënta dla Provinzia > [Biografia](https://www.landtag-bz.org/lld/biografies/pamer)

Ulli Mair

Assessuria provinziala > [Biografia](https://www.landtag-bz.org/lld/biografies/mair)

Andreas Leiter Reber

> [Biografia](https://www.landtag-bz.org/lld/biografies/leiter)

Harald Stauder

Cumëmbr dla presidënza > [Biografia](https://www.landtag-bz.org/lld/biografies/stauder)

Hannes Rabensteiner

> [Biografia](https://www.landtag-bz.org/lld/biografies/rabensteiner)

Myriam Atz

> [Biografia](https://www.landtag-bz.org/lld/biografies/atz)

Sven Knoll

> [Biografia](https://www.landtag-bz.org/lld/biografies/knoll)

Marco Galateo

Vizepresidënt dla Provinzia > [Biografia](https://www.landtag-bz.org/lld/biografies/galateo)

Thomas Widmann

> [Biografia](https://www.landtag-bz.org/lld/biografies/widmann)

Bernhard Zimmerhofer

> [Biografia](https://www.landtag-bz.org/lld/biografies/zimmerhofer)

Paul Köllensperger

> [Biografia](https://www.landtag-bz.org/lld/biografies/koellensperger)

Franz Ploner

> [Biografia](https://www.landtag-bz.org/lld/biografies/ploner)

Alex Ploner

> [Biografia](https://www.landtag-bz.org/lld/biografies/ploner-alex)

Sandro Repetto

> [Biografia](https://www.landtag-bz.org/lld/biografies/repetto)

Brigitte Foppa

> [Biografia](https://www.landtag-bz.org/lld/biografies/foppa)

Madeleine Rohrer

> [Biografia](https://www.landtag-bz.org/lld/biografies/rohrer)

Zeno Oberkofler

> [Biografia](https://www.landtag-bz.org/lld/biografies/oberkofler)

Jürgen Wirth Anderlan

> [Biografia](https://www.landtag-bz.org/lld/biografies/wirth-anderlan)

Magdalena Amhof

Assessuria provinziala > [Biografia](https://www.landtag-bz.org/lld/biografies/amhof)

Hubert Messner

Assessur provinzial > [Biografia](https://www.landtag-bz.org/lld/biografies/messner)

Angelo Gennaccaro

Vizepresidënt dl Cunsëi provinziel > [Biografia](https://www.landtag-bz.org/lld/biografies/gennaccaro)

Afrësch de Karl Plattner

Dl 1954 á le Presidënt dla Provinzia Karl Erckert scrit fora n concurs por abelí le salf dles sentades. Al á davagné le pitur de Mals Karl Plattner. So afrësch é ciamó aldedaincö da odëi tl salf plenar dl Consëi provinzial. L'afrësch mostra la cité de Balsan sciöche n retangul stlüt incër Plaza Walther y le Dom. Incëria él rapresenté les contrades dla Venosta, dla Val d'Adesc y dla Val d'Isarch y ti cater ciantuns dl afrësch á Plattner rapresenté l’agricoltöra, la viticoltöra y la fruticoltöra.Plattner á realisé l’afrësch cun nia püces dificoltés. Da na pert é l'opera gnüda criticada dai foliec da inlaota, dal'altra é le laur sté plü ri por l’artist porvia di cantiers daverc por d’atres operes tl frabicat. Plattner â porchël tut la dezijiun da lauré fora danü sües propostes. L'afrësch rové é gnü presenté ai 15 d’otober dl 1955.[Desćiariede la brosciüra " Arte in Consiglio/Kunst im Landtag](https://assets-eu-01.kc-usercontent.com/61233281-10ab-0155-b35b-4a79363b5ead/82df61de-c604-4a3e-a025-35dd21715bf1/108131_kunst_landtag.pdf)

L plenum

L plenum dl Cunsëi provinziel ie la nduneda generela dl Cunsëi provinziel che ie metuda adum da 35 cunselieres. L plenum ie sambën la luegia che respidlëia tlermënter i cunflic de nteres y de pudëi, cuncurdanzes y cuntrasć. Tlo vëniel debatù cun l fin de cunvëncer cun argumënc i averseres politics y tré da si pert la minonga publica. Sce la maiuranza di/dla cunselieres ie a una, pona devënta l dessëni de lege na lege provinziela.[Deplù nfurmazions sun la descuscion tl plenum](https://www.landtag-bz.org/lld/prozediment-discusciun-y-dezijiun-tl-consei-provinzial)

Bëgngnüs tl Consëi dla Provinzia de Balsan

Le Parlamënt é le cör de vigni democrazia. Chiló se incunta interesc y minunghes desfarëntes che porta pro ales dezijiuns politiches. Le Consëi provinzial, le Parlamënt de nosta provinzia, é l’espresciun dl’orenté politica dles zitadines y di zitadins. Le Consëi provinzial é l‘organ plü alt de representanza y dezijiun dl Südtirol y á cater funziuns prinzipales: - la funziun legislativa - la funziun de lîta dla presidënta/dl presidënt dla Provinzia y dla Junta provinziala - la funziun de control dla Junta provinziala - la funziun de indicaziun por les ativités dla Junta provinziala[De plü informaziuns sön les inciaries y funziuns dl Consëi provinzial](https://www.landtag-bz.org/lld/funziuns)

Interuziun dla sentada dl Consëi provinzial

Al pó sozede che na/n capogrup damanes la sospenjiun dla sentada. La presidënta/le presidënt archita spo la sentada por val’ menüc tratan chi che les aconsiadësses y i aconsiadus pó nen baié te un di salfs dles sentades.

L’aministrazion dl Cunsëi provinziel

Tl’aministrazion lëurel ntëur n 90 culaburadëures, che se cruzia, do la cultrines, che duta l’ativiteies dl Cunsëi provinziel y de si organs vënie dejëuc sciche l toca. Daujin al Secretariat generel ie l Ufize cuestions legislatives y legheles, l Ufize cuestions aministratives, l Ufize traduzions, l Ufize per la zeremonies, la comunicazion y la relazions publiches.[Deplù nfurmazions sun l’aministrazion](https://www.landtag-bz.org/lld/aministrazion-dl-cunsei-provinziel)

Le Presidënt/La Presidënta dl Consëi provinzial

La Presidënta/Le Presidënt dl Consëi é a ce y mëna la discusciun. Al ti dá la parora ales aconsiadësses y ai aconsiadus y controlëia che al vëgnes respeté le tëmp di intervënc. Por chësc s’anüzera/anüzel de na ciampanela por dé dant la fin dl tëmp a desposiziun por n intervënt.[De plü informaziuns sön i compic dla Presidënta/dl Presidënt dl Consëi provinzial](https://www.landtag-bz.org/lld/president-presidenta)

Tribüna por le publich

Les sentades plenares dl Consëi provinzial é davertes por le publich. Che che á interes pó ciaré pro dala tribüna por le publich o online sön le [sit](https://www.landtag-bz.org/lld/home) y sön le [canal Youtube](https://www.youtube.com/channel/UC5bOVQNvQJklEksWtmpYByg).An pó ince aposté vijites acompagnades por grups. Vijitadësses y vijitadus vëgn acompagná tl frabicat, ciafa informaziuns sön les ativités y les funziuns dl Consëi provinzial y pó baié cun les aconsiadësses y i aconsiadus.[Apostede na vijita](https://www.landtag-bz.org/lld/vijites-y-incuntades)

L Vizepresidënt/La Vizepresidënta

Dl Ufize de Presidënza dl Cunsëi provinziel fejel nce pert doi Vizepresidënc/ Vizepresidëntes che purtën ala doi grupes linguistiches de chëles che l Presidënt/la Presidënta ne ie nia pert. I Vizepresidënc/la Vizepresidëntes sustën l Presidënt/la Presidënta dantaldut per cie che reverda la gestion di lëures dl plenum.

Banches dac y abinedes

Tlo ti vëniel mustrà ai/ala cunselieres documënc che possa vester de utl per la descuscions da cajo a cajo, coche per ejëmpl prejentazions, mpulsc per n ntervënt o listes de inuemes.

Banches dac y abinedes

Sun monitores da les pertes vëniel ntan la sentedes for mustrà nfurmazions per i/la cunselieres: i inuemes di/dla cunselieres che rejona y de chëi/chëles che se à damandà la parola, l tëmp che resta mo per l ntervënt, la mozions o i dessënies de lege sun chëi che l vën lità. Chisc documënc vën ënghe publichei sun la plata web dl Cunsëi. Iló possen nce udëi la registrazions video di ntervënc dla sentedes.[Ala plata web](https://www.consiglio-bz.org/it/banche-dati-raccolte/banche-dati-raccolte.asp)

Ufize traduzions

L’adurvanza dla rujenedes taliana y tudëscia ie tla Provinzia de Bulsan-Südtirol n dërt a livel costituzionel. Perchël muessa duc i documënc dl Cunsëi provinziel unì scric tla doi rujenedes y tla sentedes dl plenum, dla cumiscions legislatives y te chëles d’autra cumiscions vëniel fat na traduzion simultana. De chësc se cruzia la/i culaburadëures dl Ufize traduzions.

Tribuna dla stampa

Dala tribuna stampa possa i jurnalisć/la jurnalistes di media defrënc usservé y scuté su la sentedes dl Cunsëi provinziel. L’emitënta dl servisc de comunicazion publich à na si cabina. Nce i jurnalisć/la juranlistes dl Ufize stampa dl Cunsëi nfurmea dala tribuna stampa n cont de cie che suzed tla sala dl Cunsëi.

“Cabina RAI”

Da chësta cabina trasmët i jurnalisć/la jurnalistes dla RAI diretamënter dal Cunsëi.

Plata internet dl Cunsëi per i jëuni “NOVA”

Sun la plata web per i jëuni dl Cunsëi possa jëuni y jëunes dai 16 ai 26 ani publiché articuli sun tematiches soziopolitiches. La plata web à inuem NOVA y ie unida svilupeda n culaburazion cun la Facultà de Design y Ert dla Università Liedia de Bulsan. [La plata NOVA](https://www.nova-bz.org) [NOVA sun Instagram](https://www.instagram.com/nova_bz_org/) [NOVA sun Facebook](https://www.facebook.com/novabz.org)

Media soziei

L Cunsëi dla Provinzia autonoma de Bulsan nfurmea regulermënter sun i media soziei n cont de si ativiteies.[Facebook](https://www.facebook.com/landtagconsigliocunsei) [Instagram](https://www.instagram.com/landtagconsigliocunsei/) [Youtube](https://www.youtube.com/channel/UC5bOVQNvQJklEksWtmpYByg) [Twitter](https://twitter.com/ParliamentBz)

Plata internet dl Consëi

Sön la plata internet dl Consëi vëgnel publiché dötes les informaziuns sön i laurs dl Consëi, i aconsiadus y les aconsiadësses y i ac politics.[Inant ala plata web](https://www.landtag-bz.org/lld/home)

Ofize dla Presidënta/dl Presidënt dl Consëi provinzial

La cabina di interprec

Secretariat generel

L Secretariat dl Cunsëi ie la strutura de sustëni per l’ativiteies dejëutes dal Cunsëi provinziel tl cheder de si lëur istituzionel. L Secretariat segurea che la nduneda legislativa funzionëie y l sustën l Ufize de presidënza tl’aministrazion dl Cunsëi. L Secretariat vën sustenì dal Servisc tecnich, reprejentà dal Servisc nfurmatich, compres y manutenzions, dal Servisc Posta y tipografia.

L Ufize per la zeremonies, la comunicazion y la relazions publiches

L Ufize per la zeremonies, la comunicazion y la relazions publiches dejëuj n generel duta la ncëries liedes ala imaja dl Cunsëi dedoravia te na culaburazion strënta cun l Presidënt/la Presidënta, l Vizepresidënt/la Vizepresidënta y i/la secreteres cuestores. Te chësta strutura ie nce nluegià l Ufize stampa.

Ofize Afars legislatifs y legai

L'Ofize Afars legislatifs y legai pîta consulënza a ofizi y organs dl Consëi provinzial, sciöche ince ai aconsiadus y ales aconsiadësses tl ciamp iuridich y legislatif. Les colaboradësses y i colaboradus de chësc ofize tol pert a vigni sentada dl Consëi provinzial. D’atres inciaries dl Ofize Afars legai é danterater le control di dessëgns de lege y l'espresciun de arac sön temesc che reverda le dërt dl'autonomia y aspec federalistics.

Publicaziuns

Sön le sit dl Consëi pón desćiarié publicaziuns desvalies. An ciafa debann les copies stampades de val’ publicaziuns ortian na e-mail al Ofize zerimonial, comunicaziun y relaziuns publiches.[Les publicaziuns dl Consëi provinzial da desćiarié](https://www.landtag-bz.org/lld/brosciures)

L'afrësch de Siegfried Pörnbacher

La scena bucolica de Pörnbacher mostra n valgügn paurs che laora ti ciamps. L'afrësch trasmët n'atmosfera plajora y ligra, che al arjunj cun na sinfonia de tons cromatics de vërt y ghel. Le jüch de löms y corusc é la forza de chësta imaja, avisa sciöche la rapresentaziun magistrala di corps en movimënt.[Desćiariede la brosciüra "Arte in consiglio/Kunst im Landtag"](https://assets-eu-01.kc-usercontent.com/61233281-10ab-0155-b35b-4a79363b5ead/82df61de-c604-4a3e-a025-35dd21715bf1/108131_kunst_landtag.pdf)

Comisciuns legislatives

Les comisciuns legislatives é organs ausiliars dl Consëi provinzial y á l’inciaria da ejaminé a livel tecnich i dessëgns de lege presentá denant che ai vëgnes tratá dal plenum. A pert controlé damperfora i dessëgns de lege che ti é gnüs surandá dal presidënt/dala presidënta dl Consëi provinzial, presentëia les comisciuns legislatives, sön les materies de süa competënza, les relaziuns y les propostes che ai arata vais debojëgn o che ti é gnüdes damanades dal Consëi. Le numer dles comisciuns legislatives, sües competënzes y le numer de sü comëmbri vëgn stabilis cun deliberaziun dl Consëi provinzial. La composiziun de vigni comisciun legislativa mëss ti corespogne ala consistënza di grups linguistics insciö sciöche ai é rapresentá tl Consëi provinzial y, tan inant che ara vá, a chëra dles fraziuns. Les sentades dles comisciuns legislatives n'é nia publiches.[De plü informaziuns sön les comisciuns legislatives](https://www.landtag-bz.org/lld/cumiscions-legislatives)

Sala de reprejentanza

Te chësta sala vëniel tenì la sentedes dla cumiscions, dla cunferënza di/dla capogrupa o cunferënzes stampa.

Self dl Ufize de presidënza

Te chësc self tën l Ufize de presidënza dl Cunsëi si sentedes.

L Uize de presidënza

Dl Ufize de presidënza dl Cunsëi provinziel fej pert l Presidënt/la Presidënta, doi Vizepresidënc/Vizepresidëntes y trëi secreteres cuestores. Tl Ufize de presidënza muessel ënghe vester reprejentà la mendranza politica. L Ufize de presidënza, de chël che l Presidënt/la Presidënta dl Cunsëi ie a cë, muessa se cruzië dantaldut de duvieres che à da n fé cun l’aministrazion dl Cunsëi provinziel, danter chisc l’apurvazion dl proiet dl bilanz de previjion y dl cont cunsuntif dl Cunsëi. I cumëmbri dla Jonta provinziela ne daussa nia fé pert dl Ufize de presidënza.[Deplù nfurmazions sun i duvieres dl Ufize de presidënza](https://www.landtag-bz.org/lld/ufize-de-presidenza)

La cabina di interprec

Salf dles sentades 2

I salfs dles sentades 1 y 2 vëgn adorá por les sentades dles comisciuns desvalies, por les incuntades dles/di capigrup o di atri grups de laur.

D’atres comisciuns

Dlungia les comisciuns legislatives él ince d'atres comisciuns permanëntes o metüdes sö aposta: - Comisciun por le regolamënt intern - Comisciun de convalidité - Comisciuns speziales - Comisciuns d'inrescida - Comisciun interregionala (sentada coletiva) - Comisciun paritetica aladô dl articul 84, coma 3 dl Statut d'autonomia[De plü informaziuns sön les atres comisciuns](https://www.consiglio-bz.org/it/altre-commissioni)

Salf dles sentades 1

I salfs dles sentades 1 y 2 vëgn adorá por les sentades dles comisciuns desvalies, por les incuntades dles/di capigrup o di atri grups de laur.

Brosciur "Le Consëi dla Provinzia autonoma de Balsan"

L self de scipa

Chësc self vën nuzà per sentedes de de pitla grupes per ejëmpl tl cajo de descuscions danter i/la cunselieres ntan la sentedes dl Cunsëi.

Anguria o dlacin? Video de spiegazion per mutons y mutans

Co vëgn pa a se le dé na lege

La funziun plü importanta dl Consëi provinzial é sigü chëra legislativa. Por aprové na lege él da fá cinch passaji: 1. n’aconsiadëssa/n aconsiadú, la Junta provinziala o na scomenciadia di zitadins y dles zitadines presënta n dessëgn de lege; 2. le dessëgn de lege vëgn ejaminé da na comisciun legislativa; 3. le dessëgn de lege vëgn traté te Consëi provinzial y lité; 4. la presidënta/le presidënt dla Provinzia sotescrí (promulghëia) la lege; 5. la lege vëgn publicada tl Boletin Ofizial dla Regiun.[De plü informaziuns](https://www.nova-bz.org/il-consiglio-provinciale/formazione-di-una-legge/)

Comunicac stampa

L'Ofize stampa dl Consëi provinzial informëia sön les sentades dl Consëi y sön dötes les ativités dl Consëi. I comunicac vëgn ortiá a düc i media dl Südtirol y pó gni lic ince sön le sit dl Consëi.[La lista di comunicac stampa](https://www.landtag-bz.org/lld/comunicac-stampa)

Livestream dla sentedes

La sentedes dl Cunsëi provinziel vën dates tres diretamënter sun la plata internet dl Cunsëi y sun si canal Youtube.[L canal Youtube dl Cunsëi](https://www.youtube.com/channel/UC5bOVQNvQJklEksWtmpYByg) [La plata web dl Cunsëi](https://www.consiglio-bz.org/it/default.asp)

Litaziun

Les aconsiadësses y i aconsiadus dá jö süa usc sön so post sön moziuns, dessëgns de lege y d’atri ac politics.

Film "Cunsëi dla Provinzia autonoma de Bulsan"

L coleghium di/dla capogrupa

L coleghium di/dla capogrupa ie metù adum dai/dala capogrupa dla frazions y dai cumpunënc dl ufize de presidënza. L coleghium di/dla capogrupa vën cherdà ite per fé ora l program y l calënder di lëures preudui tla sentedes dl Cunsëi y dla cumiscions legislatives, o per ejaminé d’autra cuestions che ëssa da unì a se l dé ntan la sentedes dl Cunsëi.[Deplù nfurmazions sun l coleghium di/dla capogrupa ](https://www.landtag-bz.org/lld/coleghium-di-o-dla-meinagrupa) [Deplù nfurmazions sun la frazions](https://www.landtag-bz.org/lld/grupes-dl-cunsei-provinziel)

Urna de litaziun

Te Consëi provinzial é la lîta de regola daverta y vëgn fata eletronicamënter. Canche an lîta por na porsona (por l'eserzize de n’inciaria) é la lîta socrëta. Porchël vá les aconsiadësses y i aconsiadus te cabina, scrí süa preferënza sön n papier y le mët te n’urna de litaziun.

Cabina de lita

La cabina de lita vën adurveda per la litazion sucrëta y sciche prutezion dala udledes di curiëusc sun la tribuna di vijitadëures o dla stampa.

Afrësch de Peter Fellin

L'afrësch tl foyer dl Consëi provinzial rapresentëia la funziun de punt danter döes cultures che rapresentëia le Südtirol. Sciöche model él gnü tut le vedl punt de Ciastel. Simbolicamënter él rapresenté a man dërta y man ciampa le podëi spiritual y temporal, corones y elemënc importanc de podëi dla sozieté dl tëmp. Sön l’ur dl punt él i inoms de val’ personalités te na scritöra runica: le vësco, Minert II de Tirol, Walther von der Vogelweide, Michael Pacher, Beda Weber y Andreas Hofer, che Fellin conscidrâ i peri spirituai de chësta tera. Sura le punt, incër le blasun dla cité de Balsan, él dessigné ince i blasun dles 6 cités dl Südtirol.[Desćiariede la brosciüra "Arte in Consiglio/Kunst im Landtag"](https://assets-eu-01.kc-usercontent.com/61233281-10ab-0155-b35b-4a79363b5ead/82df61de-c604-4a3e-a025-35dd21715bf1/108131_kunst_landtag.pdf)

I laurs de ceramica de Maria Delago

Döes operes scëmples de ceramica, öna dedicada ala cultura dl vin dl Südtirol cun na scena olache al vëgn coiü l’üa zentrada sön n’ëra, piches d’üa y na bot, l’atra mostra na scena de bal, cun n ël y na ëra che sona la mandolina y le fabló, acompagná da mituns che se roda te n cërtl por simbolisé la ligrëza da vire y le plajëi de nosta jënt.[Desćiariede la brosciüra "Arte in Consiglio/Kunst im Landtag"](https://assets-eu-01.kc-usercontent.com/61233281-10ab-0155-b35b-4a79363b5ead/82df61de-c604-4a3e-a025-35dd21715bf1/108131_kunst_landtag.pdf)

I laurs de ceramica de Maria Delago

La lîta dl Consëi provinzial

Le Consëi provinzial é l’organ plü alt lité dal popul che rapresentëia süa orenté politica. Le Statut d'autonomia vëiga danfora che le Consëi provinzial vëgnes lité aladô dl sistem proporzional tres lîtes generales, diretes y socrëtes por la dorada de cin’ agn. Les lîtes de n Consëi provinzial nü vëgn scrites fora dal Presidënt dla Provinzia[De plü informaziuns sön la lîta dl Consëi](https://www.landtag-bz.org/lld/modalites-de-lita)

Brosciur "Le Consëi dla Provinzia autonoma de Balsan"